A senior pawl nia inhriat ve tawh hi chuan khawhawi hi a din ve deuh ngut tawh a, en mai phei chuan mi rilru tumtlang ve tak te pawh kan ang ve tawh viau. Khuanu zârah hmêlin zah a phur nge ni, han ṭhut tûm hmuka muang ban charha ṭawng phei chuan tu emaw tak te pawh kan ang ve a, kan nêlawm loh ve hmêl vêng vûng hle ṭhin a; ṭawng ve zat zat erawh chuan thûk lêm lo takin thil kan lo hre ve zul tawh si a, ngeiawm nih kan hlawh hleuh thung. Awm dân thiam a har tawh a, kamchhe tleuhna kan ni ve lek lek tawh niin a lang.
Pathian thutak ngaihven leh khawvêl thiamna thûk ngaihven ho nin êm êm showbiz lah boring nih hlawh hlauhna avang leh inlâk young nân ngaihven ve a ṭulna chin a awm a; chuti chung pawh chuan a chêt hit tak tak theih chuang loh. Tu emaw tak lo dream ve vang vang ṭhin tawn fuh hlauh inbeiseia facebook (internet) ṭhutchilh ve lahin rualpui têtê an in-contact zêl a, add friend lama chêt nat viau a thlalâk kan neih tuihnai ve chhun chhun wall-ah tag ve ṭhin mah ila tu khawkhain comment ve ta’nge an ti lo va, online-a tu emaw chat-pui tuma han “Hii…buai em?” ve châng lahin an offline leh hlauh zêl. Hriat chian sate bawk kan contact leh nge nge loh leh, phai leh ram pâwn company-a hnathawka awm, inla ram vei ve tak tak, kawppui nei ṭung tawh te nên bawk kan inkâwm leh nge nge ṭhin. Cherhlun Pastor ni ta ṭhianpa Muantea (a hriat tawh suhah) ‘a tehfung ngah lutuk’ kha kan hauh tamna ber a ni ṭhin: a vântlâng tâwka hmel ṭha, lehkha/pian/biangbiak thiam/rinna nghet, ria chum bat, hun azira insiamrem thei, ti cheih cheih ni lo ti zawk zawk ni chuang si lo, fuke nalh ve pangngai, inchei hlawrh lo inchei nalh thlarh si, ṭawng puat puat si lo ṭawng charh charh ni chuang si lo, mûk khuih si lo va pastor nupui ni âwm renga nun uluk, lerh leh hlauhthâwnawm tur ni si lo pasal tâna en nin loh tura taksa uluk, sam sei hnalh, a nih ang anga a pasal pawma zah thiam a ngaihsak leh hmangaih thei tur, inhmuhniam thei tura rethei tak ni lo leh chapo thei tur khawpa hausa ni si lo etc. etc.
Keini mimâwl tehfung erawh belhchian dâwl lo leh chauhbathurawh mai a ni thung : a kal nalh em, a hmeichhe kutṭang em, a tin a bâl em, a ke a khi em, a kezungpui aiin a kezung û a sei em, min hnial zawt zawt ṭhin em, remote ken \p dârh dârha bike hnunga chuan nuam a ti em, awm dun laia text msg/call a dawnin hriatpui a hlau em, a zung ri huau huau em, vawih a insûm em, lên laia hmunphiah tum chi a ni em, len laiin a inchei em? etc. tih ang mai mai niin nula pangai tawh phawt thiam, nih sa leh thup thiam a ni.
Cliff Richard hla “Bachelor Boy” ka ngaihthlâk vang vang apiang hian - “Happy to be a bachelor boy,Until my dyin' day” tih lai takah Muantea, LSa, Afela, Masanga, Chimtea, Tea, Mavena leh Muana (Tlawng Rd) te ka hre chhuak ziah a, lainat tak si tihngaihna dang hre chuang si lovin hlahril phuah thiam Robert Frost thukhawchâng –
Cliff Richard hla “Bachelor Boy” ka ngaihthlâk vang vang apiang hian - “Happy to be a bachelor boy,Until my dyin' day” tih lai takah Muantea, LSa, Afela, Masanga, Chimtea, Tea, Mavena leh Muana (Tlawng Rd) te ka hre chhuak ziah a, lainat tak si tihngaihna dang hre chuang si lovin hlahril phuah thiam Robert Frost thukhawchâng –
“The woods are lovely, dark and deep;
But I have promises to keep,
And miles to go before I sleep;
And miles to go before I sleep”
But I have promises to keep,
And miles to go before I sleep;
And miles to go before I sleep”
An vuivaina, “‘I hun ve tawh,” an lo tih ngawt zel pawh, “Hun nise in nei ve daih tawh ang chu. In neih ve hmâ chu a la hun lo tihna a ni mai,” tiin ka hnem bawk ṭhin. Tunlai chhanah Bâwng tar paw’n Luang no a pan tawh hleinem, a In aeangin a pûte rawn hawn sa a no ṭha ṭha a lo ei hmarh hmarh tawh zâwk alâwm maw le.
