YMA INFORMATION CENTRE
Kum 5 chuang zet mimal In remchang YMA Information Centre atana kan hman hnuin June, 2003 atangin Pu Malsawmdawngliana huan sira PHE Tanky hnuai chu YMA Information Centre nghet atan hman a ni vet a a. Information Centre sakna atana hnatlang hmasaber chu Ni 14.3.2003-ah Branch pum huap hnatlang kova neih a ni. Hna chhunzawmna atan Branch pum huap hnatlang te, Executive Committee Member hnatlang leh Information Sub-Committee hnatlang te a remchan dan ang a koh thin a ni a, a tul dan angin hlawhfa te pawh rawih thin a ni bawk. YMA Member-te mai bakah vengchhung mi inphalte azarah YMA Information sak zawh a lo ni ve ta a. He Information Centre sak thar hi Nursery Veng Branch YMA President hmasaber leh CEC Member Pu K.Zoliana’n Ni 16.6.2003 (Thawhtanni) zingah YMA Member thahnemtak kalkhawm hmaah ropui takin a hawng nghe nghe a ni.
Hun leh kum te a lo liam zel a, kan Information Centre pawh chu cheithat fo a lo ngaiin kopang chhak lam atang te in tui a lut ta fo mai a. Hei vang hian Sum tamtak seng a Sound System kan lo lei ve te pawh chu a chhe mai ang tih hlauhawmin a lo awm ta a. Hei vang hian hmun remchang dang hulhar tha deuh zawkah Information Centre thar sak Branch YMA Executive Committee-in tul hle in a hria a. A hmun atan Pu Lalthlamuana In sir a PHE Tanky hluihlawn tawh chu thlan a ni a. Ni 28.8.2010 (Inrinni)-ah hna tan a niin Ni 23.10.2010 (Inrinni)-ah zawh fel a ni a, Rs. 47,369/- (vel) senral a ni. Information Centre thar hi a Building lian em em lo mah se tangkai taka hman a ni a. Vengchhung a thu in hriattir tulte puan chhuahna atan mai ni lovin Nursery Aw chhutna a tan leh YMA Bungraw pawimawh thil tamtak dahna atan hman mek a ni.
